Programa Parlamentu Foinsa’e Nian
[PFN], komitmentu estadu Timor-Leste, liu husi SEJD ba dezenvolve no kapasita
foinsa’e sira, sai maduru, bele moris iha sosiedade no sai lider iha futuru.
Rezolusaun Nu. 23/18 Novembru 2009,
kria Parlamentu Foinsa’e Nian [PFN], hanesan fatin aprende demokrasia no kultura debate ba foinsa’e sira,
hodi prepara futuru lider kualidade iha Timor-Leste.
Parlamentu
Foinsa’e Nian [PFN] hanesan forum aprendisajem no exersisiu ba dezenvolve,
sensibilizasaun sosial ba foinsa’e sira, liu husi formasaun ba moris iha
sosiedade no iha vida publika.
Loron
15 fulan Juñu 2016, Sekretaria Estadu ba Juventude no Desportu [SEJD] hamutuk
ho Konsellu Nasional Juventude Timor-Leste [CNJTL], liu husi Ekipa Orientadora
ba selesaun no eleisaun PFN 2016-2018 realiza workshop municipal ba estabelese
ekipa servisu Postu Administrativus no Sukus iha Municipio Baucau.
Sesaun
makloken atividade ne’e nian, Administrador Municipiu Baucau afirma katak,
lider mak ema ne’ebé brani hasoru dezafiu, la hakiduk hasoru problema, ema ne’ebé
hatene resolve problema.
“Parlamentu
Foinsa’e Nian, ne’e fatin ba forma futuru lideransa. Lider tenki brani, lori
solusaun la’os lori problema. Ita Baucau Terceira lugar Municipio mais
populasaun iha Timor-Leste, tamba ne’e, ita hotu tenki book an hodi halo
mudansa ba ita nia rai ida ne’e”, dehan Administrador Municipio Baucau.
Lider
local ne’e mos sublina katak, Membru parlamentu Foinsa'e sira aprende buat barak, husu ba autoriedade lokal, postu administrativu nian no lideres komunitaria sira, atu inklina sira iha diskusaun atividade, planu asaun Suku no Postu nian.
Administrador
mos akresenta, Muncipio Baucau tenki garantia prosesu selesaun no eleisaun PFN
nian husi Suku mai to’o iha Postu Administrativu la’o ho susesu, efetivu no
efisiente. Garantia kualidade reprezentasaun iha Suku hodi bele kompete iha
Postu. Nune’e bele lori problemas, aspirasaun Jovens nian, iha Suku, Postu no
Municipio ba debate iha Nasional.
Iha atividade
ne’e, ekipa organizador no fasilitador esforsu, elabora kalendariu ba selesaun
no eleisaun PFN 2016-2018 kada suku no Postu Administrativu iha Municipio
Baucau.
BUIMUK
nota katak, iha sesaun diskusaun nian, relasiona ho mekanismu selesaun no
eleisaun iha Suku no Postu, hamosu ambiente diskusaun kona-ba partisipasaun
Foinsa’e nian iha prosesu rejistrasaun.
Koordenador
Juventude Postu Administrativu Quelecai afirma, iha tinan kotuk prosesu
kampanha no eleisaun akontese iha nivel Postu, maibe reprezentante husi suku
sira barak la marka prezensa. Iha periodu ida ne’e, kampanha no eleisaun iha
kedas nivel suku, ne’e partisipasaun bele iha bele mos laiha.
Tuir
Xefe ekipa orientadora, Firminio Dias
Quintas Soares, objetivu husi mekanismu hirak ne’e mak atu fo fatin ka
oportunidade ba foinsa’e sira hotu, hodi partisipa iha atividade formal no naun
formal, ba formasaun iha vida publika.
Tamba ne’e presija kooperasaun etre
partes, esforsu no servisu maka’as hodi atimji meta ka rejultadu ne’e ita hotu
hakarak.
Partisipantes sira konsege finaliza
kalenadiriu atividade selesaun no eleisaun PFN 2016-2018 iha Suku no Postu
inklui estabelese ekipa servisu suku no postu iha Municipio Baucau.
Iha atividade ne’e mos, Ekipa
Organizadora no Ekipa Orientadora nasional, sosializa formatu relaotriu narativu
no finansas ba ekipa servisu Suku no Postu atu garantia akuntabilidade,
transparansia iha exekusaun orsamentu refere.
Atividade ne’e taka ho entrega
material eskritoriu no orsamentu ba ekipa organizador, rekrutamentu membru PFN
3a lejislatura iha Suku no Postu.
Orsamentu ba atividade selesaun no
eleisaun iha nivel suku ho montante $ 245.00 no ba Postu Administrativu
montante $ 450.00.
Atividade workshop Municipal ba
estabelese ekipa servisu suku no postu administrativu iha Municipio Baucau,
realiza iha Uma Dame, Baucau-Vila.
Partisipa husi Autoriedade Municipiu, Postu
no Lideransa Komunitaria, estudantes, Konsellu Juventude Suku, Postu no
Municipiu, Alumni parlamentu Foinsa’e Timor-Leste Municipio Baucau, inklui Ekipa
Oreintadora Nasional ba atividade selesaun no eleisaun PFN 2016-2018.
Martinho Moniz
Buimuk.blogspot.com
