Parlamentu
Foinsa’e Nian [PFN], fatin ba dezenvolve no kapasita Foinsa’e ba futuru lider
kualidade, PNTL prontu garantia seguransa iha implementasaun atividade ne’e.
Segundu
komandante PNTL em exersisiu Municipiu Lautem, afirma katak parte seguransa prontu
nafatin, akompanha no asegura garantia seguransa, implemntasaun atividade
selesaun no eleisaun PFN terseira lejislatura 2016-2018, iha Postu
Administrativu to’o ba iha Suku.
“Ami
parte seguransa lolos la presija koalia iha ne’e, ami nia servisu mak garantia
seguransa, nune’e ba atividade ida ne’e, hanesan segundu komandante em
exersisiu sei informa ba OPS sira iha suku, hodi garantia seguransa durante atividade
ne’e lao iha suku”, dehan Segundu Komandante em exersisiu Municipiu Lautem.
Iha
fatin hanesan, Koordenador Konsellu Juventude Municipiu Lautem, Ildefonso Ribeiro akresenta, Membru PFN
husi primeira lejislatura mai to’o segunda lejislatura, mesak kualidade, tamba
ne’e presija defende no kontinua asegura prosesu selesaun iha baze ba terseira
lejislatura.
Administrador
Municipiu Lautem, Zeferinho dos Santos
Sequeira apela ba seitor hotu-hotu mak tutela iha area foinsa’e nian,
hanesan edukasaun no organizasaun juvenil sira atu fo apoiu maximu ba atividade
selesaun no eleisaun ne’e, hodi bele garantia demokrasia no transparansia.
“Prosesu
aprendisajem lideransa hahu kedas husi idade Jovens, tamba ne’e mak Governu
Timor-Leste deside hodi estabelese Parlamentu Foinsa’e Nian. Nune’e ita tenki
hili ema ne’ebe kualidade hodi reprezenta Suku, Postu no Munisipiu”, dehan
Administrador Municipiu Lautem iha atividade Workshop Municipiu, estabelese
ekipa servisu suku no postu iha Municipiu Lautem.
Lider
Lokal ne’e husu ba ekipa servisu sira, iha Suku no postu Administrativu tenki
hala’o prosesu hotu tuir mata dalan ne’ebe mak iha ona.
Atividade
workshop municipiu, estabelese ekipa servisu suku no postu ba selesaun no
eleisaun Parlamentu Foinsa’e Nian, terseira lejislatura 2016-2018 iha Municipiu
Lautem lao ho susesu, realiza iha salaun Edifisiu Edukasaun Municipiu Lautem, hetan
partisipasaun maximu husi lideransa komunitaria Municipiu Lautem, Lideres
Lokais husi Postu Administrativu no Municipiu, Konsellu Juventude Suku no Estudantes
sira.
Orsamentu
ba atividade ne’e mai husi Sekretaria Estadu ba Juventude no Desportu [SEJD] ho
montante $ 3,344.00. Atividade nee’e organiza husi Konsellu Juventude Municipiu
Lautem, fasilita husi Komite Orientadora Nasional. Lospalos, 14 Juñu 2016.
Martinho Moniz [Buimuk.blogspot.com]
