GOPAC Timor-Leste reuni ho instituisaun akademika no organizasaun juvenil,
diskute atividade hamenus korupsaun iha Timor-Leste, liu husi atividade
akademika, media no publikasaun.
Korupsaun
krime extra-ordinariu tuir Franscisco Branco,korupsaun mak aktu ida ne’ebe mak ema ida rua halo
no fo impaktu ba ema barak. Hahalok ida ne’e hamohu riku soin estadu nian
ne’ebe estraga diak ema hotu nian. GOPAC-Timor-Leste, Organizasaun Global
Parlamentar Kontra Korupsaun iha misaun boot ba prevene korupsaun no promove
prinsipiu Boa-Governasaun.
Iha
loron 30 fulan Maio 2016, GOPAC Timor-Leste realize reuniaun ho Universidade no
Institutu Superior iha Dili no Organizasaun Juvenil hodi aprezenta membru
Executivu GOPAC foun no estabelese rede luta kontra korupsaun.
Prezidente
Ezekutivu GOPAC Timor-Leste, Franscisco Branco hatete katak, “Joven sira mak
futuru nasaun nian, tamba ne’e agora ita tau espiritu kombate korupsaun hanesan
kultura iha Timor-Leste”.
Iha
fatin hanesan, Prezidente Asosiasaun Akademika DIT sujere ba GOPAC atu servisu
hamutuk ho Klibur Ensinu Superior Privadu Timor-Leste [KESPTIL] ne’ebe lideira
husi Reitores Institutu no Universidade Privadu sira hodi bele realiza
atividade sira ne’ebe mak relasiona ho prevene korupsaun.
Iha
reuniaun ne’e mos, partisipantes sujere ba GOPAC atu elabora planu estratejia
ida hodi bele lao. Hatan ba kestaun ne’e, Prezidente Ezekutivu GOPAC
Timor-Leste promete sei selebra loron mundial anti korupsaun iha 9 Dezembru
2016, hodi hare ba planu no orsamentu ne’e refere.
Aproveita
forum refere, Lejislador ne’e mos apela katak, agora dau-daun meza Parlamentu
Nasional foun tau ona perioridade, deskute kona-ba alterasaun lei pensaun
vitalisia no lei anti korupsaun, tamba ne’e, husu ba organizasaun juvenil no
estudante sira atu halo diskusaun ativu kona-ba onus de provas [pembuktian terbalik] hodi bele halo
paraser ba Parlamentu Nasional.
Atividade
ne’e realiza iha Edificio GOPAC Timor-Leste, Kobe House Parlamentu Nasional.
Prezensa iha reuniaun ne’e mak reprezentante UNTL, DIT, UNITAL, ICR, UNDIL,
Juventude Anti Korupsaun, Sekretariadu Parlamentu Foinsa’e Nian no Estrutura
Ezekutivu GOPAC Timor-Leste. Martinho
Moniz
