METODE PESKIZA 4

HAKEREK PROPOSTA PESKIZA

Kuandu atu halo peskiza, peskisador sempre hahu ho hakerek proposta peskiza. Saida deit mak peskisador atu halo, planeamentu hotu-hotu inklui metodologia peskiza, metode peskiza ne’ebé nia uza, instrumentu atu sukat ou paremetru ne’ebé atu uza, no formula-formula, hakerek iha forma proposta.

Atu hakerek monografia, iha tipu peskiza ruane’ebé ita uza:

Hó peskiza ne’ebé karakteristiku kuantitativu, ezemplu Metodu Peskiza Survei-tanba atu sukat korelasaun entre variabel, entaun etapa ne’ebé halo mak:

PROSPOSTA PESKIZA (Hó Tese ne’ebé karakteristiku kuantitativu)

KAPITULU I
INTRODUSAUN

Fundu ka Backround Problema

Fundu ka backround, nia objektivu atu esplika oinsa problema ne’bé atu peskiza ne’e mosu no importante atu peskiza hosi parte peskiza na’in, dezensolve siensia no rekonstruksaun. Presiza hatete sai sintomas ka gejala problematika ne’ebé eziste iha area, nu’udar bazea hanoin lisuk atu hamosu problematika.

Formulasaun Problematika

Iha formulasaun problema, peskizador halo formulasaun problema ne’ebé atu peskiza. Iha ne’e peskizador fó defenisaun ba deit problemas ne’ebé atu peskiza duni.

Objektivu

Objektivu atu esplika kona-ba argumentu-argumentu espesifiku ne’ebé hakarak hetan iha peskiza

Benefisiu

Benefisiu katak kauza ne’ebé mosu bainhira peskiza ne’e hala’o ona.

KAPITULU II
REFIREMENTU TEORIA

Refirementu Teoria

Refirementu teoria halo mai hosi teoria-teoria ne’ebé iha relevansia ho peskiza ka hosi deskobrementu/ riset antes. Referimentu teoria nu’udar fundamentu ne’ebé importante tebes atu determina nia variabel, kategoria no klase/ indidator mós nu’udar pontu orientasaun atu hatun hipotesa.

Referimentu Konseitu

Referimentu Konseitu konteudu esplikasaun kona-ba konseitu relasiona entre variabel ida ho variabel seluk. Depois, esplika ho palavra, presiza halo eskema planu kiik ida nune’e relasaun entre variabel bele haree ho moos.

Definisaun Operasional

Definisaun operasional relasiona ho sasukat variabel nian. Atu bele sukat, variabel ida tenke hatun ba kategoria no realiza iha indikador-indikador ka klase atu nune’e bele fasil halao nia prosesu sasukat nian.

Hipotesa Peskiza

Resposta ida ka supozisaun provisoriu  hosi problematiku ne’ebé sei hatudu nia serteza liu estudu / peskiza ida, ne’ebé realiza liu variabel-variabel problematikas ne’e positivu ka negativu. Jeralmente resposta provisoriu tenke real iha relasaun entre variabel mak positivu.

KAPITULU III

METODOLOJIA PESKIZA

Iha Metodolojia Peskiza, esplika ho klaru metode peskiza ne’ebé peskizador uza atu  finaliza problema peskiza, hahu hosi etapa planeamentu to’o peskiza remata.

Parte ida ne’e konteudu

o   Tempo no fatin peskiza nian (kuandu iha),

o   instrumentu no materias (kuandu iha), 

o   Metodu peskiza nian,

o   Tekniku akumulasaun dadus,

o   Tekniku analiza dadus, no sel-seluk tan.

Metodu Peskiza

Atu esplika kona-ba Metodu Peskiza saida, ne’ebé peskizador uza iha nia peskiza.  Esplikasaun ne’e tenke bele fó definisaun ba lee na’in sira kona-ba metodu peskiza ne’ebé atu uza.

Tekniku Akumulasaun Dadus

Dadus ne’ebé atu akumula via respondente tenke fó esplikasaun oinsa tekniku akumulasaun dadus nian.

Tekniku Analiza Dadus

Konteudu formula-formula ne’ebé uza bainhira peskizador atu halo analiza dadus.

REFERENSIA / REJISTU BIBLIOTEKA

Referensia/Rejistu biblioteka forma rejistu ida husi livrus ka referensia husi internete tomak nu’udar fontes direita ka non direita iha konteudu hakerek nian.

Autor

Dominika Dwikori Sitaresmi, M.A.

Metodologia Peskiza

DEPARTAMENTU KOMUNIKASAUN SOCIAL-UNTL 

Autor

Dominika Dwikori Sitaresmi, M.A.

Metodologia Peskiza

DEPARTAMENTU KOMUNIKASAUN SOCIAL-UNTL