PFN, fatin forma futuru lideransa kualidade, CJMV hamutuk ho Organizasaun Juvenil sira prontu asegura prosesu selesaun no eleisun nivel Suku, Postu Administrativu, hodi garantia kualidade reprezentante iha PFN.
Manajer Centru Juventude Viqueque Luis Sarmentu, husu ba parte hotu, liu-liu organizasaun Juventude sira, atu hamutuk ho ekipa servisu Suku no Postu, servisu maka’as, hodi asegura prosesu hotu iha selesaun no eleisuan PFN 2016-2018, hodi garante kualidade reprezentasaun iha suku no Postu.
Coordenador Concellu Juventude Municipio Viqueque [CJMV], Clotilda Terreza Soares Guterres esplika, atu garantia susesu atividade selesaun no eleisaun PFN ba terseira lejislatura, iha dia 04 de Junho, CJVM forma ona ekipa, hodi hala’o servisu preparasaun ba Workshop Municipio, ba estabelese ekipa servisu Postu no Suku ba selesaun no eleisaun Parlamentu Foinsa’e Nian [PFN] 2016-2018.
“Iha dia 04 de Junho, ami forma ekipa organizador Municipio nian kompostu husi Konsellu Juventude Municipio no Postu Administrativu, Jovens sira ne’ebe mak hakarak servisu hamutuk ho konsellu no ami hahu halo kordenasaun no fahe konvite ba konvidadus sir aba atividade workshop ne’e”, dehan Cordenador Conselho Juventude Municipio Viqueque ba BUIMUK.blogspot.com, iha nia servisu fatin.
Coordenador CJMV mos rekoñese katak, Ekipa Organizador Municipio Viqueque hetan difikuldades barak, maibe Ekipa Organizador nafatin iha komitmentu hodi kontinua prepara ba Workshop Municipiu ne’e.
“Difikuldade boot ne’ebe mak ami hasoru mak transporte, tamba distansia Postu no suku iha Municipio Viqueque, hanesan Postu Uatukarbau, Uatulari, Lacluta ne’e Postu ne’ebe mak dook husi Postu Vila. Hakarak rekomenda ba SEJD atu koopera ho Ministeriu relevante, Ministerio Administrasaun Estatal, orienta Pessoal SEJD iha Municipiu sira hodi apoia servisu Juventude nian iha Municipiu, ida ne’e importante tebes”, tenik Clotilda.
Clotilda Terreza optimista katak, ho preparasaun ne’ebe iha, sei garantia partisipasaun maximu iha atividade refere.
Atividade Workshop estabelesimentu ekipa servisu Suku no Postu, ba selesaun no elisaun PFN 2016-2018, Municipiu Viqueque sei realiza iha loron 08 fulan Junho 2016. Partisipantes ba atividade ne’e mai husi, Autoriedades Municipio Viqueeque nian, Xefe suku sira, Konsellu Juventude Suku no Postu, Padre no Madre sira, Centru Juventude no Diretores Eskola sira hotu iha Municipio Viqueque.
Orsamentu ba atividade ne’e mai husi Sekretaria Estadu ba Juventude no Desportu [SEJD], ho montante $ 3,414.00 Dolares Americano. Martinho Moniz [Buimuk.blogspot.com], 07 de Junho 2016.
