METODE PESKIZA 3

ANÁLIZA KONTEUDU

Termu Análiza Konteudu hahu koñese desde tinan 1961, bainhira disionariu Webster fó definisaun nu’udar “analiza ba konteudu isin komunikasaun nian, tantu ne’ebé bele haree tantu ne’ebé la bele haree, liu klasifikasaun, tabulasaun no evaluasaun ba simbolu save no titulu sira ne’ebé tuir malu  atu hatene signifikandu no efeitu ne’ebé belu mosu’’ (Kripendorf, 2004:xvii).

Análiza konteudu katak, instrumentu estudu/riset ida ne’ebé uza konklusaun palavra ne’ebé eziste iha textu ou susesaun tekstu nian. Peskizador sira kuantifika no analiza palavra ou konseitu ne’ebé mosu, signifika no halo interaksaun no konseitu ida ne’e, depois halo resultadu kona-ba mensajem iha teksu nia laran, eskritor tekstu, audensia, no kontekstu sosial kultura tekstu ida ne’e. 

 

Textu ne’e rasik bele haluan nia defenisaun, ezemplu livru, inskrisaun rezultadu entrevista, diskusaun, topiku no artigu iha jurnal, dokumentasaun historia, tekstu diskursu, konversaun, reklamu, konversaun informal, ou formasaun hosi mensajem komunikasaun ne’ebé iha dokumentasaun.

Atu halo analiza konteudu iha formasaun saida deit, tekstu tenke haketak an iha kategoria ne’ebé kompila iha varias palavra nian, signifikasaun palavra no frase ka titulu. Tuir mai maka halo analiza  ho uza metodu prinsipal ida iha análize konteudu, ne’e mak análize konseitu (conceptual analysis) no análize relasaun (relational analysis).

Análiza konsietu bele halo nia definisaun nu’udar susesaun eksistensia ( presente) no frekuensia hosi konseitu ida, bebeik representa hosi liafuan konseitu iha tekstu laran. Depois analiza relasional ba oin tan esplika kona-ba relasaun entre konseitu tekstu nia laran. Nia prinsipiu, análize konteudu atu peskiza kona-ba mensajem iha prosesu komunikasaun nia laran, iha nivel saida deit iha komunikasaun ne’e, tantu mensajem iha nivel interpesoal to’o mensajem iha level publiku ou sosial.

Iha klasifikasaun rua ne’ebé prinsipal tebes iha estudu kona-ba mensajem ne’e katak estudu / peskiza mensajem manifestasaun no laten ka klandestina. Análize konteudu investiga ka estudu mensajem ne’ebé nia karakter manifesta (mosu, bele haree). Análise ne’e mós nia karakter ka lisan kuantitativu duke kualitativu tanba nia metodu mak konta akumulasaun mensajem ida ne’ebé ‘hakode’ ona.

DEFENISAUN ANÁLIZA KONTEUDU

Tuir Holski (1969), análiza konteudu katak “…..tekniku ida atu foti nia konklusaun ho identifika karakteristikas oi-oin, espesialmente mensajem ida ho objektividade no sistematika.”

Tuir George V. Zito, análiza konteudu katak “metodologia ida ne’ebé peskizador buka no desidi konteudu ne’ebé mosu ba formasaun komunikasaun  ne’ebé hakerek ona, hatete ka halo publikasaun ona ho sistimatika.”

TANBASAIDA PESKIZADOR UZA METODU ANÁLIZE KONTEUDU

Primeiru, peskizador hakarak hetan informasaun sobre topiku no fiar katak análize konteudu bele ajuda nia atu hetan informasaun ne’ebé nia buka. Ezemplu, peskizador hakarak hatene oinsa konteudu violensa iha programa televizaun ba labaraik sira no iha kalae mudansa ruma iha tempu ruma. Ho uza análize konteudu, peskizador bele observa programa televisaun labarik nian no halo kompasaun ho tempu seluk.

Análize konteudu bele mós uza bainhira peskizador iha hipotesa ka afirmatifa kona-ba topiku no hakarak haree loos ka lae hipotesa ida ne’e. Ezemplu, peskizador iha hipoteza katak, relasiona ho movimento femenismu aumenta, opiniaun sobre feto iha tekstu media massa nian mós iha mudansa. 

Ho hipotesa ida ne’e, riset ka estudu análize konteudu bele iha konsentrasaun.

Fontes data informasaun ba analiza konteudu iha varisaun barak. Iha nia prinsipiu saida deit mak hakerek, bele analiza ho metodu análize konteudu.

Foto Feto CS-UNTL 2013

Fontes dadus ba estudu riset ne’ebé prinsipal mak media sosial (massa) no meios media massa tomak bele halo peskiza.

Uniaun análize ne’ebé peskizador uza mak meios media ida ho tomak, ezemplu jurnal ou diaria balun, ou uniaun análize iha level artigu, notisias ou programa media tranzmisaun. Análise konteudu bele mós hala’o iha nivel palavra no letra, ezemplu konta frekuensia letra Maromak, invernu, lalehan iha jurnal eskola nian atu hatene sentimentu relijiozu alunus iha eskola balun.

Análise ida ne’e bele mós peskiza kona-ba fontes-fontes seluk ne’ebé deskrita ona, la’os deit ba media sosial. Ezemplu, surat no riska iha moru. Peskiza kona-ba surat imigrante Polania sira iha Amerikanu iha inisiu sekulu XIX nu’udar peskiza sosiologia ida ne’ebé importante.

Peskiza análize konteudu riska iha sintina labarik mane nian iha Amerika iha tinan 1970 hetan atensaun boot hosi komunidade iha ne’eba tanba riska sira ne’e hatudu ekspresaun seksual labarik mane sira iha  SMA, iha Amerikanu.

Komponente Análise Konteudu

o   Amostra populasaun

o   Uniaun

o   Kategoria

o   Koding sheet

o   Ema mak halo koding

o   Karta Koding

o   Formula Koefisien Reliabilitas

***  *** ***

Referensia:

Narendra, Pitra. (2008). Metodologi Riset Komunikasi, Panduan Untuk Melaksanakan Penelititan Komunikasi. Yogyakarta:  BPPI Yogyakarta  dan Pusat Kajian Media dan Budaya Populer.

Notas:

Khusus diselenggarakan untuk kepentingan perkuliahan di Jurusan Ilmu Komunikasi Sosial, FISIP, Universidade Nasional Timor Lorosae. 

Autor

Dominika Dwikori Sitaresmi, M.A.

Metodologia Peskiza

DEPARTAMENTU KOMUNIKASAUN SOCIAL-UNTL