 |
| Membru APFTL rona hela esplikasaun husi treinador [Foto: Martin] |
Objetivu husi atividade ne’e, kapasita foinsa’e sira sai badaen hanoin matenek kria programa no organiza eventu ho profesionalidade
“Ita iha sistema, kuandu ema la komprende sistema hanesan deit.
Nune ita kapasita foinsa’e sira oinsa atu hatene sistema orgnaiza eventu. Ida ne’e importante ba ita nia foinsa’e sira, ajuda no kontribui ba estadu, iha dezemvolvimentu ekonomia nasaun nian. Hanorin foinsa’e sira, matenek kria merkadu servisu rasik” dehan João Paulu, diretor programa BFR iha fatin formasaun.
Nune ita kapasita foinsa’e sira oinsa atu hatene sistema orgnaiza eventu. Ida ne’e importante ba ita nia foinsa’e sira, ajuda no kontribui ba estadu, iha dezemvolvimentu ekonomia nasaun nian. Hanorin foinsa’e sira, matenek kria merkadu servisu rasik” dehan João Paulu, diretor programa BFR iha fatin formasaun.
Chefe Departamentu Formasaun Arte Estetika esplika, programa ne’e hanaran clinic coaching husi SEJD, responsabiliza husi BFR, fo formasaun ba foinsa’e sira kona-ba drum, violino, vocal, keyboard, event organizer, mc, composija muzika, sound engenering no lighting enginering.
“Hanesan ita hotu hatene, organiza eventu ne’e buat ida ne’ebe importante, oinsa bele kria no organiza eventu ruma ho los no susesu. Fulan ida ne’e aproveita formador sira husi Indonezia seidauk fila, kontinua programa clinic coaching nian, fo tan treinamentu ba membru organizasaun juvenil, APFTL no Centru Juventude, aprende kona-ba organiza eventu.” esplika José Antonio Monteiro ba jornalista Tafara iha SEJD.
Iha fatin hanesan, Benvinda Gusmão Alves partisipante atividade formasaun event organizing, atividade ne’e importante tebes atu aprende. Tamba moris iha organizasaun ka sosiedade ida persija atu hatene konaba organiza servisu ka atividade
“Hau sente treinamentu ne’e importante tebes, aprende kona-ba oinsa organiza eventu ka atividade ida ho profesionalidade. Atu sai profesional organiza atividade la’os sai deit tekniku, maibe presija sai promotor, hamosu konseitu ba atividade ka programa ida, dezenha sistema no lalaok programa ka atividade mak iha” dehan Benvinda ba Jornalista Tafara hafoin Formasaun.
Atividade formasaun kona-ba organiza eventu fahe ba etapa rua, etapa dahuluk ba membru APFTL ema 10 no etapa daruak ba Membru Centru Juventude ema 20. Kada etapa ho durasaun loron lima, kada loron partisipantes hasoru malu ho formador oras rua. Atividade ne’e organiza husi Berliku Fanu Rai [BFR] no finansia husi SEJD. Martinho Moniz
