 |
“Journalist is not a crime, the
voice of the voiceless, keta husik liberdade viola ema seluk nia liberdade nee
krime”, lian solidariedade ba komemorasaun loron mundial liberdade imprensa.
Loron tolu fulan Maiu, loron
mundiál liberdade imprensa, estudante departamentu Komunikasaun Sosiál, Fakuldade
Siensia Sosiais, Universidade Nasional Timor Lorosa’e [UNTL] komemora loron
ne’e ho atividade seminariu no marxa ho objetivu habelár prinsipiu liberdade
imprensa no sentidu soliedariedade ba jornalista sira ne’ebe mate, terus hela
iha sira nia servisu tanba limitasaun espasu ba liberdade imprensa no liberdade
expresaun.
Dosente departamentu Komunikasaun
Sosiál-UNTL Domika Dwikori Sitaresmi
hateten,iha nasaun barak Jornalista sira mate tanba jogus politika no naksalak
ne’ebe jornalista halo iha servisu jornalismu. Docente ne’e akresenta atu mundu
tenke respeita liberdade imprensa no liberdade expresaun.
“Ha’u orgullu tebes ho Estudante
mak halo atividade, ita komemora loron ne’e tanba Jornalista barak mate
wainhira hala’o sira nia servisu. Atu dehan ba mundu labele akontese tan, tanba
Jornalista nia servisu importante tebes ba ema baibain sira. Nune’e ita tenke
respeita Jornalista sira nia servisu, karik sira halo sala, ba ema ne’ebé la simu
tenke hatan ho hakerek”, dehan Dosente departamentu Komunikasaun Sosiál-UNTL iha
atividade marxa ba monumentu Sander
Robert Thoenes, Becora-Dili.
Hatutan Dosente ne’e “Ba
Jornalista sira tenke koalia nafatin lia los, Jornalista tenke profisionál,
hakerek tenke hare fila fali (cek) ho responsablidade no tenke hakerek justu,
labele hakerek aumenta arbiru ema nia idea, hakerek saida mak sira hatete,
Importante liu mak labele tauk, servisu ida ne’ebé espesiál no servisu ne’e
todan”, tenik Docente Dwikori iha Becora-Dili.
Estudante Komunikasaun Sosial Isabel Dos Santos aumenta “hanesan
Estudante, loron liberdade imprensa loron ida importante tebes, sente kontente
ho servisu Jornalista. Nu’udar estudante futuru Jornalista nian, labele tauk halo
buat ne’ebé loos”.
Nilton
Perreira
estudante komunikaasaun social mos hateten, “Ha’u hanesan Estudante
Komunikasaun Sosiál, futuru Jornalista, loron liberdade Imprensa importante los
ba Jornalista tanba povu ne’e presija informasaun”, Felisberto Sarmento aumenta “Ha’u orgullu tanba ho terus no mate Jornalista
sira nian fo liberdade ba ita hotu, ha’u louva tebes ba maluk Jornalista sira”,
expresa estudante komunikasaun social.
Herculano
Asala Leite estudante
departementu Polítika Públika realsa “agradese ba Jornalista, liu husi Jornalista
mak ita hetan independensia, se laiha komunikasaun sei la lori ita nia prosesu
ba internasionál, saida mak Timor infrenta no timor hakarak tanba ne’e mak ha’u
fo parabens ba Jornalista hotu ba luta Independensia. Estadu tenke garantia
halo protesaun sosiál ba Jornalista labele halo intervensaun polítika ba
Jornalista”, dehan Asala.
Atividade marxa hahu husi gruta
Fakuldade Siensia Sosiais, Caocoli-Dili ba iha monumentu Sander Robert Thoenes, Becora-Dili. Mak partisipa iha atividade
ne’e; Estudantes Departamentu Komunikasaun Sosial no Departamentu seluk mak
existe iha Fakuldade Siensias Sosiais-UNTL, no akompanha husi Docentes Departamentu
Komunikasaun Sosial.
Tuir observasaun Jornalista
TAFRA.ORG iha terrenu, atividade ne’e la’o diak maske la hetan vijilansia husi
parte seguransa.
ELIONORA GUTERRES, LUIS SOARES
& CARMELITA GODINHO DE ARAUJO
