22 de Agostu 2016
TOMADA DE POSSE MEMBRU PFN TERSEIRA LEJISLATURA
 | ||
| Ekipa Orientador Nacional no Municipio iha Venilale, Baucau |
Iha
fulan Juñu to’o primeira semana fulan Agostu 2016, Sekretaria Estadu ba
Juventude no Desportu [SEJD] servisu hamutuk ho Concelho Nacional Timor-Leste
[CNJTL], hamutuk ho UNICEF, APFTL, Autoriedade Municipiu, Postu no Suku, Xefe
Juventude Suku, Postu no Municipiu sira, realiza ona selesaun no Eleisaun PFN
2016-2018.
Selesaun dokumentu, kamapanha no eleisaun iha nivel Suku 442 no Postu Administrativu 65 iha Municipio 12 no REAO [Rejiaun Espesial no Autonomia Oe-Cusse], hodi hetan Membru PFN definitivu Ema nain 130 kompostu husi Feto 65 no Mane 65 hodi reprezenta Foinsa’e ho tinan 12-17 iha Postu Administrativu ida-idak iha Timor-Leste. Tuir Rejolusaun Governu Nu. 23/18 Novembru 2009, kona-ba kriasaun Parlamentu Foinsa’e Nian [PFN] iha Timor-Leste.
Selesaun dokumentu, kamapanha no eleisaun iha nivel Suku 442 no Postu Administrativu 65 iha Municipio 12 no REAO [Rejiaun Espesial no Autonomia Oe-Cusse], hodi hetan Membru PFN definitivu Ema nain 130 kompostu husi Feto 65 no Mane 65 hodi reprezenta Foinsa’e ho tinan 12-17 iha Postu Administrativu ida-idak iha Timor-Leste. Tuir Rejolusaun Governu Nu. 23/18 Novembru 2009, kona-ba kriasaun Parlamentu Foinsa’e Nian [PFN] iha Timor-Leste.
Bazeia
ba prosesu sira mak iha leten, Foinsa’e 130 ne’ebe eleitu ona ba Membru
Parlamentu Foinsa’e Nian [PFN] 2016-2018 sei simu posse [pelantikan] husi
Prezidente Parlamentu Nasional [PN] Sr.
Aderito Hugo iha loron 24 fulan Agostu 2016 iha Centru Convensaun Dili
[CCD], hodi sai nu’udar membru ofisial PFN 2016-2018 nian iha Timor-Leste.
Nune'e, iha loron 22 fulan Agostu 2016, Membru PFN Eleitu no Sesante sei to'o iha Dili, Edificio SEJD, husi tuku 09h00-15h00 Horas Timor-Leste. Dia 23 sei halo gladi ka orientasaun ba tomada de Posse iha CCD.
Nune'e, iha loron 22 fulan Agostu 2016, Membru PFN Eleitu no Sesante sei to'o iha Dili, Edificio SEJD, husi tuku 09h00-15h00 Horas Timor-Leste. Dia 23 sei halo gladi ka orientasaun ba tomada de Posse iha CCD.
Dia 24 tama ba serimonia Tomada de Posse, ne'ebe sei hahu ho hananu Hino Nasional, Hino PFN, Serimmonia Tomada de Posse lidera
husi meza serimonial, Le termu de posse husi Prezidente PN, liafuan badak husi
atores sira no inklui entrega sertifikadu ba membru PFN sesante periodu 2013-2015.
Serimonia
ofisial ne’e sei hetan partisipasaun husi, Prezidente Parlamentu Nasional, Prezidente
no Membru Komisaun F Parlamentu Nasional, Ministru Edukasaun, Sekretariu Estadu
ba Juventude no Desportu no Governante sira seluk, Diplomata sira, Sosiedade
Sivil, Prezidente Concelho Nacional Juventude Timor-Leste [CNJTL] no nia
estrutura iha Nasional, Xefe Suku sira, Kordenador Konsellu Juventude Municipiu
no Postu, Inan-Aman husi Membru Eleitu no mos Ajensia Internasional sira.
Atividade
ne’e sei hahu iha tuku 08h00 dadersan horas Timor-Leste to’o remata. Iha kalan
ba loron ne’ebe hanesan, sei kontinua ho atividade kalan aprezentasaun iha CCD
husi tuku 05h00 to’o tuku 08h00 kalan.
Ba
hirak ne'ebe mak iha interese, bele hakat ba direita iha CCD tuir horariu no
ajenda ne'ebe mak determina tiha ona.
Ba
informasaun kompleitu bele kontaktu Sekretariadu Parlamentu Foinsa’e Nian liu
husi E-mail: sekretariadopfn2014@gmail.com,
bele mos hakat mai Ami nia Edificiu SEK.PFN, Avenida, Herois da Patria Becora
Dili, Timor-Leste.
Martinho Moniz
CBO
Tidak ada komentar:
Posting Komentar
Komentariu